Жарияланған күні: 23/07/2019

Қазақстанда веб-бағдарламашы мамандығының танымалдығы неліктен өсуде?

Астанада көптеген маман неліктен сайт жасау саласына келеді, бұл мамандықта жұмыс істеудің қандай артықшылықтары бар және ABC Design неліктен нарықтағы ең жақсы білімі мен тәжірибесі бар кадрларды жинайтын команда?

Қазнеттің дамуымен веб-бағдарламашы мамандығы да танымал бола түсті. Бұл үрдістің немен байланысты екенін, қанша табыс табуға болатынын және веб-қызметтер нарығында сұранысқа ие болу үшін не білу керегін мақалада қарастырамыз.

Қазақстанда веб-бағдарламашы мамандығы неліктен сонша танымал?

Бағдарламашы — ақпараттық технологиялармен байланысты негізгі мамандықтардың бірі. Тиісті мамансыз деректерді жинау, талдау және сақтау үдерісін елестету қиын. IT-де жыл сайын орасан өзгерістер болады, сондықтан бағдарлама жасау, жұмысын қолдау және веб-сайт әзірлеу үздіксіз оқуды және біліктілікті арттыруды талап етеді.

Веб-бағдарламашының жалақысы салыстырмалы жоғары болса да, бүгінде Қазақстандағы әр компания дерлік бір немесе бірнеше түрлі бағыттағы IT маманын (бағдарламашы, сайттарды SEO оңтайландыру маманы немесе веб-дизайнер) қажет етеді. Веб-бағдарламашыларға жоғары сұраныстың себептері қарапайым:

• Ірі өндірістен жеке бизнеске дейін әр салада IT функцияларын жасау және қолдауға сұраныс бар. Шағын фирмаға жылына (немесе тоқсанына) бір рет сайт әзірлеу не оңтайландыру, логотип жасау немесе толық ребрендинг үшін веб-студияға жүгіну жеткілікті болуы мүмкін. Ал өнеркәсіп кешені немесе мемлекеттік мекеме үшін штатта өз маманы болғаны тиімді.
• Кәсіби мамандардың тапшылығы. Қысқа онлайн курстар, тіпті ЖОО-дағы бірнеше жылдық оқу бағдарламашыны жоғары деңгейлі IT маманы етпейді. Бағдарламалауға қысқаша кіріспені үздіксіз толықтырып, білім мен дағдыларды жетілдіруге болады. Мамандық туралы толық түсінік беретін жоғары білім IT үрдістері тез өзгергендіктен, өзектілігін жоғалтып қалады. Көптен күткен дипломды алған соң оқуыңыз аяқталды деп есептесеңіз, ешқашан сұранысқа ие веб-бағдарламашы болмайсыз.

Қазақстанның еңбек нарығында жұмыс ұсыныстары көп, бірақ кез келген веб-бағдарламашы сәтті жұмысқа орналаса алмайды. Алдымен кәсібилігін және жобаларда барын салуға ынтасын дәлелдеуі керек.

Веб-бағдарламашы болу неліктен жақсы?

Білікті веб-шеберлерге (Full-stack, front-end немесе back-end әзірлеуге) сұраныс жоғары болғандықтан, жұмыс берушілер барынша тиімді ынтымақтастық ұсынуға дайын. IT мамандарының ерекше ойлауын ескеріп, кей компаниялар «қымбат» миы шексіз жобалардан демалуы үшін үй жануарларын да ұстаған.

Белгілі жұмыс іздеу сайтының дерегі бойынша фирмалар веб-бағдарламашыларға не ұсынады:

• Жақсы еңбекақы — біліктілікке қарай 100 мың теңгеден бастап;
• Ыңғайлы кесте — негізінен 5/2, сирек қашықтан жұмыс;
• ҚР Еңбек кодексі бойынша ресми жұмысқа орналасу;
• Жайлы кеңсе, корпоративтік көлік (бар болса).

Ірі фирмалар бағдарламашының жұмыс қабілетін қолдау үшін шетелдік конференциялар, медициналық сақтандыру және басқа ынталандыру бағдарламаларын қамтамасыз етеді.

Қалай сұранысқа ие болуға болады?

Әмбебап веб-бағдарламашы бірқатар бағыт бойынша негізгі білімге ие болуы тиіс:

• Сайт беттерін құрастыру;
• Браузерлік бағдарламалау тілі;
• Дерекқормен жұмыс істеу тілі;
• Серверлік тіл;
• Фреймворктер.

Контентті басқару жүйелерімен (CMS) жұмыс істегенде түрлі бағдарламалау тілін терең білу қажет емес, бірақ негізгі тілдерді білмей, өзіңізді кәсіби маман деп атай алмайсыз. Бастапқы дайындықтан бөлек, таңдаған салада (немесе бірнеше салада) үнемі жетілу қажет. Нарықтағы сұраныс пен жалақыңыз кәсібилік деңгейіне тікелей байланысты.