Жарияланған күні:
Әлеуметтік желілер ақылы мүмкіндіктерді барған сайын белсенді дамытып келеді, жуырда VK iOS жүйесінде музыка жүктеуге арналған ақылы жазылымды іске қосты. Уақытты жайлы өткізу үшін әмиянымыздағы ақшаны жұмсауға тура келеді. Яндекс.Деньги компаниясы осы мәселені зерттеуді ұйғарды. Іздеу алыбы интернет-әмиянды пайдаланатын қазақстандықтар арасында зерттеу ұйымдастырды. Деректер 2016 және 2017 жылдардың қаңтар-шілде айлары бойынша жиналды. Тек Яндекс-әмиян немесе оған тіркелген банк карталары арқылы жасалған шығындар ескерілгенін атап өтейік.
2017 жылдың қаңтар-шілде айларында қазақстандықтар өткен жылмен салыстырғанда 3 есе көп ақша жұмсаған.
Бір сатып алуға Қазақстан тұрғыны орта есеппен 2993 теңге жұмсайды, ал өткен жылы бұл көрсеткіш 1170 теңге болған. Айырмашылық орасан зор, сондықтан елдегі ауыр экономикалық дағдарыс туралы айту орынсыз. Премиум-аккаунт, көрінбейтін режим, ТОП рейтингтегі орын және парақшасына кім кіргенін көру мүмкіндігі үшін қазақстандықтар жарты жылда шамамен 3 рет сатып алу жасайды.
Қазнет пайдаланушылары ресейлік әлеуметтік желілердегі сатып алуды қалайды («Мой мир», «Одноклассники», «ВКонтакте» және т.б.).
Қазіргі уақытта интернетке қолжетімділігі бар қазақстандықтар саны шамамен 10 миллионға жеткенін атап өтейік. Олардың 90%-дан астамы кем дегенде бір әлеуметтік желіде тіркелген.
