Жарияланған күні:
Іздеу сұрауын енгізгенде Google карталары мен ондағы компаниялардың көрсетілетінін талай байқаған боларсыз. Сол жерге кіргіңіз келе ме? Қазір айтамыз!
Компанияны Google Карталарға қосу үшін осы бөлімге жауап беретін Google Мой Бизнес сервисінде тіркелу керек. Сайтқа кіріп, «Бастау» батырмасын басамыз.
Компанияны тіркеу үшін Gmail жүйесінде мекенжайыңыз болуы тиіс. Компаниямен байланыстырғыңыз келетін Gmail мекенжайын енгізу керек.
Google Мой Бизнес сайтына кірген соң, компанияның атауын енгізу ұсынылады.
Одан әрі байланыс деректерін енгіземіз:
Компания мекенжайын енгіземіз, оны орыс тілінде енгізген дұрыс екенін атап өткіміз келеді. Компанияның мекенжайын картада көрсетеміз. Содан кейін қызмет саласын және телефонды көрсету қажет.
Бәрін дұрыс орындасаңыз, компанияны телефон нөмірі арқылы растау келеді.
Құпиясөзді енгізгеннен кейін Google Мой Бизнес сервисінде компанияны басқару құқығы беріледі. Құттықтаймыз! Енді компанияңыздың басқа мәліметтерін — жалпы ақпаратты, веб-сайтты, фотосуреттерді көрсету және бірнеше жазба жариялау қажет.
Маңызды: Google Мой Бизнес жүйесіндегі профиліңіз неғұрлым толық болса, соғұрлым жақсы индекстеліп, ТОП-қа шығады. Сонымен бірге клиенттерден пікір қалдыруды сұрау маңызды, өйткені пікірлер рейтингке ғана емес, пайдаланушылардың сайтыңызды қабылдауына да әсер етеді.
Табыс тілейміз! Құрметпен, Астанада сайт жасау студиясы — ABC Design.
